RETO 13

PROBA MENTE EN FORMA:

''O EXPERIMENTO MÁXICO''

Para poñer a nosa mente a funcionar, hoxe ímos probar a facer un experimento caseiro para escribir mensaxes secretos creando a nosa propia tinta máxica!!

Materiais

• Pincel ou bastonciño de algodón
• Papel branco
• Un limón
• Auga
• Unha vela

PASOS

1. Presione o zume de limón nun bol e engada unha culler de sopa de auga.

2. Mestura e, coa axuda dun pau ou pincel, escribe a túa mensaxe no papel.

3. Deixao secar.

4.Pon unha vela debaixo (sen poñer o papel demasiado preto) e podes ler a mensaxe.

PROBA CORPO EN FORMA:

''A RAIOLA''

Hoxe para o reto de corpo en forma, deixámosvos un xogo tradicional, que de seguro todos coñecedes, a RAIOLA.

Estamos seguras de que todos e todas vós xogachedes algunha vez a este marabilloso xogo e que sabedes ben as súas regras; pero por se vos esquecestedes vamos recordalas de maneira rápida:

PRIMEIRO. O xogo comeza tirando un obxecto pequeno (podes utilizar un botón, unhamoeda, un macarrón...) no cadrado número 1, tentando que o obexecto caia dentro do cadrado sen tocar as raias externas. 

SEGUNDO. Comézase a percorrer a raiola saltando as diferentes casillas sen pisar as raias, gardando o equilibrio ata que se chega ao final.

TERCEIRO. Agora hai que volver ao número 1, dando a media volta dun salto, (sempre sen pisar as raias) e facer o mesmo camiño ata o número 1 onde nos agacharemos a polo obxecto sen apoiar o outro pé.

CUARTO. Se non pisamos ningunha raia, nin perdemos o equilibrio, continuamos o xogo, agora tirando a pedra na casilla número 2 e repetindo o mesmo. 

IMPORTANTE. Se a pedra non caese dentro da casa número 2 ou durante a realización dos saltos nas casillas tocasemos unha raia ou perdésemos o equilibrio,  pasaría a quenda ao seguinte xogador. 

O obxectivo é tirar a pedra en todas as casillas sucesivamente. 

Quen acabe antes, gaña!!

Deixámosvos varios tipos de raiolas, para que escollades a que mais vos guste. Incluso poderiades inventar vos unha!!

MOITOS ÁNIMOS FAMILIA!!

- RECORDADE A PUNTUACIÓN…

• FOTO: 1 PUNTO
• VIDEO: 10 PUNTOS
• FOTO DOUTRO FAMILIAR OU AMIGUIÑ@ DO COLE: 1 PUNTO EXTRA
• VIDEO DOUTRO FAMILIAR OU AMIGUIÑ@ DO COLE: 10 PUNTOS EXTRAS

- PARA QUE POIDAMOS COMPARTILAS NO BLOG... debes cubrir a autorización de imaxe na seguinte ligazón:

https://forms.gle/QvrYpN37KAJPiRDz9

- LEMBRA ENVIARNOS AS TUAS RESPOSTAS CO TEU NOME.