IMOS DE CAMPAMENTO
Ola amiguiñ@s!
Como sabedes esta semana é Semana Santa, semana na que teriamos que estar de vacacións, pero como as circunstancias nos obrígan a pasala en casa deixámosvos esta super proposta, por se vos apetece levala a cabo...
(Podédela facer independentemente dos retos que vos vaiamos subindo).
Trátase de crear o noso propio campamento en casa!! coma se fósemonos de acampada...
Dámosvos unhas pequenas ideas de como podedes facelo, pero xa sabedes... logo todo é deixar voar a imaxinación.
O primeiro será CONSTRUÍR UNHA TENDA DE CAMPAÑA, no salón ou outro lugar de casa. Por exemplo debaixo dunha mesa, cubríndoa con manteis, sabas, mantas... ou cun cordón colgante dun lado a outro da habitación ou con cadeiras... mellor sera poñer debaixo alfombras, mantas, colchóns...
Despois haberá que DECORAR A TENDA. Con estrela colgantes de cores, lúas, soles, árbores, debuxos... e meter dentro da tenda de campaña algún coxín ou almofadas.
Unha vez que temos o noso refuxio listo, toca CREAR UNS RECUNCHOS: por exemplo un con libros e unha lanterna nun recuncho e noutro xogos de cartas ou taboleiro...Acordarvos de meter uns walkies, se tedes, para comunicarvos.
FÓRA DA TENDA acondicionar un lugar para comer, cantar, compartir en familia e realizar os retos.
Agora xa estamos preparados para durante esta semana facer as ACTIVIDADES TÍPICAS DE ESTAR DE CAMPAMENTO e así saír da rutina: Comer e durmir en lugares diferentes aos habituais, xogar ás cartas, contar contos con lanterna, xogos de sombras... dentro do noso refuxio,a nosa tenda.
Non esquezades compartir connosco vosa experiencia, enviándonos moitas fotos e vídeos ou deixándonos algún comentario nesta entrada do blogue, no espazo destinado a comentarios.
Ningún comentario:
Publicar un comentario
OS COMENTARIOS HAN DE SER RESPECTUOSOS EN TODO MOMENTO, LEMBRA QUE ESTE BLOGUE ESTÁ PENSADO PARA NENOS/AS.