RECEITA DE BROWNIE Ó MICROONDAS

Temos moito tempo para cociñar! Que mellor forma de pasar un ratiño en familia facendo un postre super rápido e doado!

RECEITA DE BROWNIE FEITO Ó MICROONDAS

INGREDIENTES

150 g de chocolate fondant
100g de fariña
½ culler pequeniña de levadura en pó
3 ovos
125 g de manteiga
125 g de azucre
4 culleradas de leite
5 noces

INSTRUCIÓNS

Fundir o chocolate coa manteiga no micro a potencia moi baixa. mesturar ben e reservar.

Bater tres ovos e o azucre cun batedor,e engadir o leite e o fermento. Engadir seguidamente o chocolate coa manteiga, sen que esta mestura estea moi quente. Unir ben. Engadir a fariña e remover cunha paleta plástica ou de silicona para que se incorpore todo.

Engrasar en molde apto para microondas con manteiga e espolvorear coa fariña. Poñer as noces en anacos no molde. Engadir a mestura e introducir ao micro durante 4-5 min (segundo o gusto do punto de cocción) a 800 de potencia.