RETO 16

PROBA MENTE EN FORMA:

''O XOGO DO NOME''

O reto de hoxe consiste en pensar un pouquiño sobre nós mesmos e sobre o coñecemento e concepto que temos de nós mesmos nestes días de confinamento e para iso... imos facer un xogo de autocoñecemento. Xunto cos teus pais debes escribir na metade dun folio o teu nome e apelidos e a continuación dicir unha cousa boa que pensas de ti mesmo por cada letra do teu nome e apelido. Na outra metade do folio, terás que poñer o nome dun amiguiño ou amiguiña importante para ti e dicir por que o é.

Para rematar, gustaríanos moito ver un debuxo libre teu onde se vexa como te sentes neste momento!

Agardamos que vos guste e esperamos as vosas imáxenes deste reto!

PROBA CORPO EN FORMA:
''CON MANS E PÉS'' 

Hoxe para movernos un pouquiño imos deseñar e realizar un circuíto para facer coas mans e os pés.

Consiste en realizar un percorrido polo chan de casa combinando o apoio de mans e pés. É dicir, debemos ir apoiados nas mans, nos pés ou en ambos á vez. O MÁIS RÁPIDO POSIBLE! 

O primeiro será fabricar coa silueta das nosas mans e os nosos pés o circuíto, así que buscar folios, papel de xornal, de revistas, cartóns... e lapis que empezamos a debuxar as siluetas. 

Cantas máis fagas, máis longo será o circuíto, eu recoméndoche que fagas 5 de cada man e de cada pié. 

Agora que xa temos as siluetas preparadas, colocámolas no chan na orde e dirección que queiramos, fixándoas cun pouquiño de celo ao chan, para que non se movan. 

IDEA DE COMO COLOCALAS

Xa esta listo o noso circuíto para comezar, así que anima á túa familia para participar! E lembra que... gaña o mais rápido!!!

MOITOS ÁNIMOS FAMILIA!!

- RECORDADE A PUNTUACIÓN…

• FOTO: 1 PUNTO
• VIDEO: 10 PUNTOS
• FOTO DOUTRO FAMILIAR OU AMIGUIÑ@ DO COLE: 1 PUNTO EXTRA
• VIDEO DOUTRO FAMILIAR OU AMIGUIÑ@ DO COLE: 10 PUNTOS EXTRAS

- PARA QUE POIDAMOS COMPARTILAS NO BLOG... debes cubrir a autorización de imaxe na seguinte ligazón:

https://forms.gle/QvrYpN37KAJPiRDz9

- LEMBRA ENVIARNOS AS TUAS RESPOSTAS CO TEU NOME.